Нэгдсэн Үндэстний байгууллагын Хүн амын сан, Цагдаагийн Ерөнхий газраас зохион байгуулсан "Гэр бүлийн хүчирхийлэл, Хүүхдийн эсрэг гэмт хэрэгтэй тэмцэх, урьдчилан сэргийлэх арга зүй” сэдэвт сургалтад Увс аймгийн прокурорын газрын прокурорууд оролцлоо.
Мөн үеэр тус аймгийн прокурорын газраас “Гэр бүлийн хүчирхийлэл үйлдэх гэмт хэргийг шалгаж, шийдвэрлэхэд анхаарах асуудал” сэдвээр мэдээлэл хийж, энэ төрлийн гэмт хэргийг мөрдөн шалгахад тулгарч буй хүндрэл бэрхшээл, цаашид анхаарах асуудлын талаар харилцан ярилцаж, санал солилцсон байна.
Уг сургалт нь хүүхэд хамгаалал, хүүхдийн эрхийн тухай хууль тогтоомжийг нэг мөр хэрэгжүүлэх, гэр бүлийн хүчирхийлэл, хүүхдийн эсрэг гэмт хэрэг, зөрчлөөс урьдчилан сэргийлэх чиглэлээр төрийн болон төрийн бус байгууллагуудын ажлын уялдаа холбоог сайжруулахад чиглэсэн юм.
Улсын Ерөнхий Прокурорын Газар
